African Vacation. (Look kids, it´s Big Ben!)

Þið sem þetta lesið megið klappa ykkur á bakið. Þið eruð hér með vitni að endurlífgun bloggsins. Til hamingju!



Hér sit ég á Flugstöð Leifs Eiríkssonar með fríðu föruneyti á leið í fyrsta áfanga á reisu sem meira að segja Leifur sjálfur gæti ekki skammast sín fyrir. Litla föruneytið samanstendur af sjálfri mér og mínum annars ágæta bróður og er stefnan tekin á ekki ómerkilegri lönd en England-Tyrkland-Suður-Afríka-Namibía-Egyptaland-Jórdanía-Ísrael. Í grófum dráttum. Svo að ég vitni í Stefán Þór frænda, þá förum við á HM, sem stendur fyrir Hinum Megin á hnettinum.



Ferðin hefur farið þokkalega vel af stað. Ég gleymdi vegabréfinu, Vísakortinu og myndavélinni heima, en það uppgötvaðist sem betur fer áður en komið var í næstu götu. Danni var stoppaður í vopnaleitinni með mannskaða sólarvörn sem gerð var upptæk með det samme. Fall er fararheill! Ég spái því hér með að ég gleymi ekki fleirum stórkostlega mikilvægum hlutum og enn betra, við munum ekki brenna í sólinni. Rauðhærðir rokka!